ആന ഇടഞ്ഞു; നാടിനെ വിറപ്പിച്ച് മൂന്നുമണിക്കൂര്‍ : Global Organisation for Pravasis Urakam (GOPUR)

.
Published On: Friday, February 07, 2014

ആന ഇടഞ്ഞു; നാടിനെ വിറപ്പിച്ച് മൂന്നുമണിക്കൂര്‍




ചേര്‍പ്പ്: മേക്കാവ് ഭഗവതി ക്ഷേത്രത്തിലെ ഭരണി മഹോത്സവത്തിനിടെ ആനയിടഞ്ഞു. ഒളരിക്കര കാളിദാസന്‍ ആനയാണ് ഇടഞ്ഞത്. ക്ഷേത്രത്തിന് വ്യാപകനാശം വരുത്തി. മൂന്ന് മണിക്കൂറോളം ആന പരിഭ്രാന്തി സൃഷ്ടിച്ചു. ആനപ്പുറത്ത് ഉണ്ടായിരുന്ന രണ്ടുപേര്‍ അത്ഭുതകരമായി രക്ഷപ്പെട്ടു. മയക്കുവെടിവെച്ചാണ് ആനയെ തളച്ചത്.

വ്യാഴാഴ്ച ഉച്ചതിരിഞ്ഞ് നാലരയോടെയായിരുന്നു സംഭവം. പെരുവനം ക്ഷേത്രത്തിന്റെ അഭിമുഖമായ മേക്കാവ് ക്ഷേത്രത്തിന്റെ കിഴക്കേനടയിലായിരുന്നു എഴുന്നള്ളിപ്പ്. പഞ്ചവാദ്യം നടക്കുന്നതിനിടെ ഇടഞ്ഞ കാളിദാസന്‍ കൂട്ടാനകളെ കുത്തി മേക്കാവ് ക്ഷേത്രത്തിലേക്ക് കുതിച്ചു. ആനപ്പുറങ്ങളിലുണ്ടായിരുന്ന ആലപ്പാട് സ്വദേശി രഞ്ജിത്(28), പാറക്കോവില്‍ സ്വദേശി വിപിന്‍(24) എന്നിവരടക്കം ആറോളം പേര്‍ക്ക് വീണ് നിസ്സാരപരിക്കേറ്റു. കുട പിടിച്ചിരുന്ന ആറാട്ടുപുഴ സ്വദേശി ഹരിനമ്പൂതിരി , കോലം പിടിച്ചിരുന്ന ശ്രീനിവാസന്‍ നമ്പൂതിരി (45) എന്നിവര്‍ക്ക് ആനപ്പുറത്ത് നിന്ന് ഇറങ്ങാനായില്ല.

ഇവരെയും വഹിച്ചുകൊണ്ട് ആന ക്ഷേത്രത്തിന്റെ പലഭാഗങ്ങളും തകര്‍ത്തു. വടക്ക് ഭാഗത്തുണ്ടായിരുന്ന കല്‍വിളക്ക് കുത്തിമറിച്ചിട്ടു. ആനപ്പുറത്തുണ്ടായിരുന്ന രണ്ടുപേരെയും കുടഞ്ഞ് താഴെയിടാനുള്ള ശ്രമം നടന്നു. കോലം നിലം പതിച്ചെങ്കിലും രണ്ട് പേരും ആനപ്പുറത്ത് സാഹസികമായി മുറുകെ പിടിച്ചിരുന്നു.

എലിഫന്റ് സ്‌ക്വാഡ് , പാപ്പാന്മാര്‍, ആനപ്രേമികള്‍ എന്നിവര്‍ ചേര്‍ന്ന് ആനയെ തളയ്ക്കാനുള്ള ശ്രമം നടത്തിയെങ്കിലും ഫലം കണ്ടില്ല. പ്രകോപിതനായ കൊമ്പന്‍ മണ്ണും മറ്റ് വസ്തുക്കളും തുമ്പിക്കയ്യിലേന്തി ഇവര്‍ക്ക് നേരെ എറിഞ്ഞു. തെക്ക് പടിഞ്ഞാറെ മൂലയിലുള്ള ആല്‍മരത്തിന് സമീപം നിലയുറപ്പിച്ചപ്പോഴാണ് രണ്ട്‌പേര്‍ക്കും രക്ഷപ്പെടാനായത്. ആലിന്റെ ശിഖരങ്ങളിലൂടെ ഇവര്‍ മുകളിലെത്തി രക്ഷപ്പെടുകയായിരുന്നു. ആലിന്റെ കൊമ്പുകള്‍ ഒടിച്ചെറിഞ്ഞ് ക്ഷുഭിതനായ ആനയെ പിന്നീട് മയക്കുവെടിവെച്ച് തളയ്ക്കുകയായിരുന്നു.

News & Photo Credit
       mathrubhumi_logo

About the News

Posted on Friday, February 07, 2014. Labelled under , , . Feel free to leave a response

0 comments for "ആന ഇടഞ്ഞു; നാടിനെ വിറപ്പിച്ച് മൂന്നുമണിക്കൂര്‍"

Your comments are precious ! Please encourage us with a few words of guidance and motivation by commenting here.

If you have any query regarding how to post a comment; please read this article :How to post a comment in this site