മുടിക്കെട്ട് അഴകോടെ : Global Organisation for Pravasis Urakam (GOPUR)

.
Published On: Tuesday, February 05, 2013

മുടിക്കെട്ട് അഴകോടെ



  • സൌന്ദര്യത്തിലും രസതന്ത്രമോ? കേള്‍ക്കുമ്പോള്‍ ആശ്ചര്യംതോന്നുന്നുവല്ലേ? പക്ഷേ, രസതന്ത്രത്തിലെ മാസ്മരികത ഇവിടെയുമുണ്ട്. ദിവസേനയുള്ള ഒരുക്കത്തിന്റെ ഭാഗമാണ് കേശാലങ്കാരം. ലളിതമായി വളരെ പെട്ടെന്ന് എങ്ങനെ തലമുടി ഡിസൈന്‍ ചെയ്യാം എന്നതാണ് എല്ലാവരെയും അലട്ടുന്ന പ്രശ്നം.
  • എത്ര കുറവ് മുടിയുള്ളവര്‍ക്കും ഭംഗിയായി എളുപ്പത്തില്‍ കെട്ടാവുന്ന ഒന്നാണ് ത്രീ പെറ്റല്‍ ഫ്ളവര്‍ ബണ്‍. മുടിയുടെ മുന്‍വശം മുഖത്തിന് ചേരുംവിധം ചീകി സ്ലൈഡു കൊണ്ട് ക്ലിപ്പ് ചെയ്തശേഷം പുറകിലത്തെ മുടി മുഴുവന്‍ പോണിറ്റെയില്‍ കെട്ടുക. പോണിറ്റെയിലെ പകുതി മൂടിയെടുത്ത് മുകളിലേക്ക് കമഴ്ത്തിറോള്‍ ചെയ്ത് കുത്തിവയ്ക്കുക. ബാക്കി മുടി രണ്ടായി പകുത്ത് ഒരു പക്ഷേ വലതുവശത്തേക്കും മറ്റേ പകുതി ഇടതുവശത്തേക്കും റോള്‍ ചെയ്ത് കുത്തിവയ്ക്കുക. ലളിതവും ഭംഗിയായും പെട്ടെന്ന് ചെയ്യാവുന്ന ഒരു ഹെയര്‍ സ്റ്റെലാണിത്. വിശേഷാവസരങ്ങള്‍ക്കും ചെറിയ പൂക്കള്‍ കൊണ്ടോ മുത്തുകള്‍ കൊണ്ടോ അലങ്കരിക്കാം.
  • മുടിയുടെ ആരോഗ്യം

     പലപ്പോഴും തലമുടിയുടെ ആരോഗ്യത്തെക്കുറിച്ച് നമ്മള്‍ ശ്രദ്ധിക്കാറേയില്ല. ആഴ്ചയില്‍ ഒരു ദിവസമെങ്കിലും മുടിയുടെ പരിചരണത്തിനായി നീക്കം വയ്ക്കാം. എങ്ങനെയെന്നക്കേ? ഒരു പാത്രത്തില്‍ കുറച്ച് എണ്ണയെടുക്കുക. പാത്രം ചൂടുവെള്ളത്തില്‍ ഇറക്കിവച്ച് ചൂടാക്കുക(തലയില്‍ തേക്കാന്‍ ഉപയോഗിക്കുന്ന ഏത് എണ്ണയുമാകാം). ചെറുതായി ചൂടായ എണ്ണ ഉപയോഗിച്ച് തലപതിയെ മസാജ് ചെയ്യണം. അരമണിക്കൂറിന് ശേഷം കഴുകി കളയാം. തേയില തിളപ്പിച്ച വെള്ളം ഉപയോഗിക്കുന്നതും തലമുടിയുടെ തിളക്കം നിലനിര്‍ത്താന്‍ സഹായിക്കും.

    കാല്‍പ്പാദങ്ങള്‍ വൃത്തിയായി സൂക്ഷിക്കാം

    കാല്‍പ്പാദങ്ങളിലൂടെ പെണ്‍കുട്ടികളുടെ വൃത്തിമനസ്സിലാക്കാമെന്ന് പണ്ടുള്ളവര്‍ പറയുന്നത് വെറുതെയെല്ല. പൊട്ടിപൊളിഞ്ഞ കാല്‍പ്പാദങ്ങള്‍ അഭംഗിയാണ്. വൃത്തിയായി സൂക്ഷിക്കാന്‍ ദിവസവും നേരവും വെള്ളവും ഉപയോഗിച്ച് വൃത്തിയായി കഴുകുക. ഈര്‍പ്പം മാറിയശേഷം ആന്റിഫംഗല്‍ പൗഡര്‍ ഉപയോഗിക്കുക. കാല്‍വിരലുകള്‍ക്കിടയിലും ഇതിടാന്‍ ശ്രദ്ധിക്കണം. കാല്‍പ്പാദങ്ങള്‍ ഉപ്പിട്ട് ചൂടുവെള്ളത്തില്‍ ഇറക്കി വയ്ക്കുന്നതും വളരെ നല്ലതാണ്. ഉറങ്ങുന്നതിനു മുമ്പ് ഏതെങ്കിലും ഒരു ഫ്രൂട്ട് ക്രീമും പുരട്ടാം. അതിന് ശേഷം സോക്സ് ഇട്ട് കിടക്കുന്നത് കാല്‍പ്പാദങ്ങള്‍ക്ക് മുദൃത്വമേകാന്‍ സഹായിക്കും. മഴക്കാലങ്ങളില്‍ നഖങ്ങള്‍ക്ക് ശ്രദ്ധ നല്‍ക്കണം. നറിഷിങ് ഓയില്‍ ഉപയോഗിച്ച് മസാജ് ചെയ്ത് ക്യൂട്ടിക്കള്‍ നല്ല രൂപത്തിലാക്കുക. നിങ്ങള്‍ക്ക് ചേരുന്ന നിറം ഉപയോഗിച്ച് വൃത്തിയാക്കിയ നഖങ്ങള്‍ കൂടുതല്‍ ഭംഗിയുള്ളവയാക്കുക. മാസത്തിലൊരിക്കല്‍ പെഡികൂര്‍ ചെയ്യന്നതും ഉത്തമമാണ്. കാല്‍പ്പാദം പൂമിക് സ്റ്റോണുപയോഗിച്ച് ഉരച്ച് കഴുകുകയാണ് വേണ്ടത്. പാദങ്ങള്‍ പാടു പോലെ മനോഹരമാകും. വീണ്ടു കീറുകയുമില്ല.

    കറുത്ത കൈകാല്‍ മുട്ടുകള്‍ക്ക്

    കറുത്ത കൈകാല്‍മുട്ടുകള്‍ ഉള്ളവര്‍ മിനിസ്കര്‍ട്ട്സും ഷോര്‍ട്ട്സ്ലീവുകളും ധരിക്കുമ്പോള്‍ അപഹാസ്യരാവാറുണ്ട്. ഇത്തരക്കാര്‍ക്ക് ചെയ്യാവുന്ന ചില കാര്യങ്ങളിതാ. കൈകാല്‍ മുട്ടുകളില്‍ നിര്‍ജീവമായ തൊലിയുണ്ടാകാനുള്ള സാധ്യത വളരെ കൂടുതലാണ്. സ്ക്രബ് ഉപയോഗിച്ച് ഇവിടം തുരച്ചു കഴുകുകയാണ് വേണ്ടത്. ബ്ലീച്ച് ചെയ്യുന്ന അവസരങ്ങളില്‍ കൈ കാല്‍മുട്ടുകളിലും ചെയ്യണം. ഇത് ചര്‍മത്തിന് നിറമേകാന്‍ സഹായിക്കും. ആഴ്ചയിലൊരിക്കല്‍ ഇളംചൂടോടെ ഉപ്പുവെള്ളത്തില്‍ തേച്ചുകുളിക്കുന്നതും നല്ലതാണ്. കുളി കഴിഞ്ഞാലുടനെ മോയിസ് ചറൈസറോ ക്രീമുകളോ പുരട്ടുക.


    സുമ മാക്സിമിന്‍
    news & photo credit: deshabhimani.com 

About the News

Posted on Tuesday, February 05, 2013. Labelled under , . Feel free to leave a response

0 comments for "മുടിക്കെട്ട് അഴകോടെ"

Your comments are precious ! Please encourage us with a few words of guidance and motivation by commenting here.

If you have any query regarding how to post a comment; please read this article :How to post a comment in this site  

    Blog Archive